اوهام

 تغيرات

الإنسان وهو صغير كتكون عندو نظرة للحياة فشكل كيكون يشوف كل شيء باعجاب وانبهار شديد كيحاول يفهم بسرعة شنو داكشي وعلاش وكيفاش... كيكون غير قادر احيانا على استيعاب ماتراه عيناه.. ومع ذالك كيحاول يفهم ولو استاعن بمن يكبره في السن المهم ان يفهم..

كيبقا هكذا والايام تمضي حتى يصل إلى سن البلوغ فتتغير نظرته مرة أخرى للكثير من الاشياء كيكتاشف بلي  فرق كبير بين قناعته وما فهمه من قبل وبين هادشي لكيعيش فيه دبا كيحاول يفهم علاش كان مقتنع ببززاف ديال الحوايج اللي بطبيعة الحال غيبان ليه دبا مجرد تخربيق وانه كان تفكيره سطحي.. ممكن يضحك على راسو وكيفاش كان كيفكر..

ومرحلة المراهقة لها قيمتها بطبيعة الحال حيث كيبدا الانسان يكتاشف راسو وشنو كيبغي وعلاش كيكون مندفع بزااف باش يرتاكب اشياء بدون عقلنة لغتكون بدورها سبب في تعاسته ربما او في سعادته..

وهو عايش كيشوف بزااف ديال الأحداث اللي الكثير منها غيتاقلم معها وعادي.. لما يصل إلى سن 26 وهو غادي كيكتاشف بلي توقلب مرة أخرى ههه وفي الحقيقة هي مراحل فقط فمن 16 لعام الى 26 سنة عشر سنوات ماشي ساهلة لذالك غيبان ليه بلي بدأ يفهم الحياة وقنعاته وافكاره وكيحاول مرة أخرى اكتاشف شنو كيبغي وشنو لمكيبيغيش وشنو لعندو تأثير اكثر في حياته ووالخ

أشياء لاتنسى

 

أشياء دارها في الماضي وندم عليها وأخرى دارها وعجباتو حاليا بل وعندو حظ كبير انه دارها...

ممكن يكون حقق كاع الأشياء لحلم بها او على الاقل نصف ما حلم به وممكن ايضا يندم على عدم تخقيق أشياء أخرى..

لكن مع هذا كله كيوصل لمرحلة الصفر مرحلة لكيستاوي عندك كل شيء الميزان الوحيد لكيبقا عندك وانت مأمن به هو سعادة ديالك شنو لغيفرحك اكثر وشنو لغيخليك تعيس ولم يعد اي شيء اخر له  تأثير كما من قبل..

يستوي عندك الفشل مع النجاح المعاملة بالمثل او العكس حب الأشياء او العكس الرغبة في الإكتشاف او العكس الصمت او الحديث الارتباط بشخص ما او العكس لم يعد هناك اي شيء يثير اهتمامك الا نفسك وتطويرها بل وتنقيتها من دنس الماضي اللي علق فيها وبسببو درتي هاد الثورة على افكارك ومعتقداتك وكل شيء ...

المهم هو تبقى انت وشنو لغيخليك في صحة جيدة نفسيا وجسديا فقط...

وفعلا كتجربة ديالي  من بعد تامل وقراءة حياتي كلها بتجاربها وصلت قبل هذا الوقت  لقناعة أنني لم يعد يهمني اي شيء يمكن ان يحدث او اي شيء غيفاجئني كل شيء امامي في ميزان واحد...

قبو الأحلام

كل ماكان حلمي تقريبا حققته في فترة من الفترات كان حلمي ان اجمع الكتب واقرأ فقط وقد حققت ذالك وكان ايضا  نعيش بوحدي وقد فعلت وكان ايضا نسافر وقد حققت وكان ايضا نمارس التأمل لكيبان لي عالم فشكل وقد حققت وكان استقلاليتي ايضا في كل اموري وقد حققت وكان لدي حلم ان اعمل في الويب  وقد حققت اكثر مما كنت احلم به وهذا طبعا لايرتبط دائما بالماديات بل تعلمت مجالات كانت في نظري مجرد حلم...

كانت إحدى احلامي العبيطة ان تكون لي صفحة في الفيسبوك ويكون متابعيها 5000 بينما الان بلغت 61 الف متابع ولاتزيدني اي شيء مجرد خرافات وأحلام كانت مهمة في مرحلة ما ... على كل حال  كثيرة هي الأمور لكن صدقني في كل مرة وكل مرحلة من هده المراحل كنت فقط ابحث عن نفسي عن ذاتي 

 النهاية 

لكن بعد هذا كله كيكتاشف بلي اكبر سر

فاش كتوصل لديك المرحلة ديال كتكون شبعتي و قنعتي   ولا كيجيك كولشي عادي و معندو معنى و كتقلب غير على ذاتك...